Home / Uncategorized / I hodhën në emrin e saj 30 mln dollarë, 90 vjeçarja nga Tirana: Kam 20 vite që jetoj me qira

I hodhën në emrin e saj 30 mln dollarë, 90 vjeçarja nga Tirana: Kam 20 vite që jetoj me qira

Haxhire Gurakuqi, 90-vjeçarja me biznes 30 milionë dollarë në Lezhë ka rrëfyer të vërtetën e akuzave që rëndojnë mbi të, si përfituese e parave të inceneratorëve. E moshuara e cila dikur ka punuar ndihmes mjeke, thotë se jeton ne azil në Tiranë, pasi i është dëmtuar shtëpia ku jetonte me qira nga tërmeti.

Thanas Çani dhe Haxhire Gurakuqi, pronarët e kompanisë 30 milionë dollarëshe

E pyetur nëse ajo ka dijeni për bizneset që janë në emër të saj dhe përfitimet nga inceneratorët, e moshuara thotë se nuk di gjë.

Për biznesin në Lezhë në emër të saj dhe 94-vjeçarit Thanas Çani, 90-vjeçarja shprehet se nuk ka qenë kurrë në këtë qytet. Ajo sqaron se të dhënat e saj janë marrë nga pasaporta, ndërsa shton se nuk i njeh personat që e kanë përfshirë në mashtrim.

“ Kam jetuar në shtëpi me qira mbi 20 vite. Tërmeti më shembi shtëpinë Iu drejtova bashkisë, nuk më ndihmoi. Jetoj në Azil që në momentin që ra tërmeti. Nuk i njoh personat që më kanë përfshirë në këtë mashtrim. Jetoj vetëm me lekët e pensionit, kam rënë pre e mashtrimit. Mi kanë marrë të dhënat nga pasaporta. Unë as nuk e di çfarë janë këto kompani. Më thanë ke një biznes të madh në Lezhë, ndërkohë që unë nuk kam qenë kurrë në atë qytet”, thotë ajo për Syri Tv.

Me heret Haxhireja ka dale ne disa emisione televizive ku i kerkonte te birit t’i kthente syte nga ajo, pasi ai qe kur u martua e ka braktisur nenen. Te vetmit njerez qe e ndihmojne gruan jane ish koleget e saj.

Në bazë të dokumenteve që publikoi kryetarja e LSI-së, Monika Kryemadhi, dy të moshuarit janë bërë përfitues të 30 milionë eurove. Thanas Çani dhe Haxhire Gurakuqi rezultojnë me pasuri marramendëse.

“Thanas Çani dhe Haxhire Gurakuqi kanë kompani 35 milionë dollarë, u është shitur dy personave njëri 94 dhe tjetri 95 vjeç duke faturuar fatura fiktive dhe false. Kompanitë shërbejnë si lavatriçe për pastrimin e parave. Këto kompani i kemi hetuar se kanë dalë të lidhura me inceneratorët, kemi arritur në rezultatin se janë të përfshira kompani që kanë fituar konçesione.

I gjithë sistemi ka funksionuar me një mbikëqyrje perfekte nga kryeministri. Nëse do kishim hetim tatimor që do hetonte do shikonte që frutat ekzotike janë shndërruar në asfalt. Të gjithë materialin ia kemi bërë gati prokurorisë së posaçme. Për të 24 kompanitë do të informojmë prokurorinë në mënyrë që ata të mos bëjnë asgjë tjetër, por vetëm të verifikojnë. Të verifikojnë edhe këta 94-95 vjeçarët që kanë blerë biznese 30 milionë dollarë” u shpreh Kryemadhi.

Rreth korcajone.al

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *