Kryefaqa / Lajme / Ish presidenti ndërroi jetë nga Covid, pse dyshohej se kishte lidhje me princeshë Dianën

Ish presidenti ndërroi jetë nga Covid, pse dyshohej se kishte lidhje me princeshë Dianën

Ish-presidenti francez Valéry Giscard d’Estaing ka ndërruar jetë në moshën 94-vjeçare pasi u infektua me koronavirus.

Ish-udhëheqësi ishte përfolur edhe për një lidhje të mundshme me Princeshën Diana. Ai ka shërbyer në ushtrinë e Lirë Franceze që ndihmoi në çlirimin e Francës gjatë Luftës së Dytë Botërore.

Giscard d’Estaing ishte i njohur më së shumti në Mbretërinë e Bashkuar për lidhjen e tij të pretenduar me Princeshën Diana. Giscard lejoi divorcin me pëlqim të ndërsjellë, legalizoi abortin dhe uli moshën e votimit në 18 vjeç nga 21 vjeç.

Një “idil” midis Valéry Giscard d’Estaing dhe lady Diana është hipoteza që ka intriguar botën dhe francezët për vite me radhë, duke ushqyer konkluzione, hipoteza dhe fantazi.

E gjitha buron nga admirimi i madh, pothuajse një përkushtim, që ish-presidenti kishte për Zonjën D.

Por, gjithçka u zmadhua në vitin 2009 me botimin e librit të ish-presidentit me titull “La Princesse et le Président” (“Princesha dhe Presidenti”).

Ishte një roman që vërtitej rreth një historie dashurie midis një “princeshe të varfër” dhe një burri shteti të famshëm, Henry Lambertye.

Shumë besuan atëbotë se gjetën konfirmimin e një “lidhjeje”, pasi tiparet e protagonistit kujtuan në shumë mënyra Zonjën D, e cila kishte vdekur 10 vjet më parë në Paris.

Disa komentues shkuan aq larg sa të imagjinonin se Giscard d’Estaing kishte shkruar librin për të zbuluar disi një lidhje dashurie me princeshën Diana për të cilën ai nuk mund të fliste hapur.

Të dy, Giscard dhe Diana, ishin takuar personalisht në 1994 në Versajë, për një mbrëmje gala për të mbledhur fonde për fëmijët, të sponsorizuar nga bashkëshortja e Giscard, Anne-Aymone.

Fotot e të dyve të buzëqeshur, gati të magjepsur nga njëri-tjetri, bënë xhiron e revistave botërore.

Për vite me radhë, Giscard lejoi që dyshimet dhe konkluzionet të përhapeshin, sipas më dashakeqesve edhe në funksion të botimit të librit të tij, i cili ishte përkthyer në shumë gjuhë.

Një vit pas botimit të romanit, i cili shkaktoi një sensacion të madh, Giscard d’Estaing – i ftuar në një shfaqje të njohur televizive – i preu drutë shkurt.

“E gjitha është një shpikje”, tha ai.

Pak më vonë, në një intervistë me “Le Point” ai pranoi se “e kam sajuar historinë” duke iu referuar dashurisë që në roman pushton një president të Republikës Franceze dhe një princeshë angleze.

“Zonja Patricia e romanit, megjithatë, u frymëzua nga Diana. Është një roman në të cilin princesha Diana është personazhi kryesor. Unë u përpoqa ta ringjallja atë, siç ishte, … por të mos e ekzagjerojmë, unë vetëm e takova pak, një marrëdhënie në një klimë besimi”, deklaroi VGE.

Rreth korcajone.al

Shiko gjithashtu

Video/ 58 vjeçari dergohet me helikopter në Tiranë

Një 58 vjeçar nga fshati Leshnicë është nisur me helikopter urgjent drejt kryeqytetit. 58 vjeçari …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *