Kryefaqa / Lajme / Adoleshentja shqiptare humbi jetën në Greqi, zbardhen detaje

Adoleshentja shqiptare humbi jetën në Greqi, zbardhen detaje

Ngjarja me vajzën shqiptare Maria, 16 – vjecare, në Trikala mbetet ende mister dhe nuk ka ende një përgjegjës.

Adoleshentja u gjet e pajete diten e djeshme prane nje kishe. Vlen të përmendet se dosja e çështjes e formuar nga policia e departamentit të policisë Trikala nuk ka mbaruar ende, pasi ata janë në pritje të përfundimit të ekzaminimit mjekoligjor dhe hetimit që do të zhvillohet në Larisa.

Sidoqoftë, familja, nga momenti kur u mor vesh lajmi për  16-vjeçaren u kërkon autoriteteve që të hetojnë rastin, ndërsa theksuan se vajza e tyre nuk kishte arsye per t’u hedhur vete.

Në fakt, disa pyetje të bëra nga prindërit janë të dukshme, të tilla si pse ende nuk është gjetur ndonjë gjurmë gishti në skelat e kishës së Profetit Elia, me qëllim që të përcaktohet nëse vajza është ngjitur vetëm apo me dikë tjetër.

Një tjetër fakt serioz është edhe ajo se 16-vjeçarja kishte shkuar në Polici në Trikala disa herë, duke u bërë atyre disa ankesa, ndoshta pas disa problemeve ose fobive që mund të ketë pasur ajo gjatë kësaj periudhe. Në këtë pikë, prindërit theksojnë se hetuesit që merren me hetimin e çështjes duhet të hapin librin e ngjarjeve dhe të shohin se çfarë ndodhi me të gjatë një viti.

“Protothema.gr” zbulon se 16-vjeçarja disa orë para se te humbte jeten, rreth orës dy të mëngjesit, kishte qenë afër shtëpisë së saj me kushëririn dhe shkëmbente mesazhe nga celulari saj me dikë.

Rreth orës tre në mëngjes, të dy u larguan nga zona e tyre në drejtim të Sheshit Trikala.

Sipas informacioneve, atje takuan oficerin e policisë 27 – vjeçar dhe më pas kushëriri i Marias u largua duke u kthyer në shtëpi, ndërsa pas disa orësh, 16-vjeçarja u gjet e pajete.

“Isha në shtëpinë time kur ajo më thotë që të shkojmë tek sheshi kryesor së bashku për një shëtitje. E pyeta se çfarë do të bënte tjetër atje dhe ajo më tha që do të dilte me një të njohurin e saj. E pyeta se kush është dhe ajo më tha që ende nuk e njoh atë dhe se ai është nga Athina. Personi nga Athina e thirri dhe i tha “Unë jam këtu, ku je ti?”, Maria i tha “Tani po vij”. Kur ai erdhi, unë nuk e pashë fare, ndërkohë që Maria më tha të largohesha. Unë u largova dhe nuk e di se çfarë ndodhi më pas. “Me sa di unë, ajo e ka parë atë për herë të parë një ditë më parë “, tha kushëriri i 16-vjeçares për “Mega”.

Asgjë e re dhe asnjë provë nuk doli edhe nga dëshmia e policit 27-vjeçar, para hetuesve me të cilin shqiptarja 16-vjeçare dyshohet se u takua para se te ndodhte ngjarja, Ndër të tjera, ai pretendoi se mësoi për ngjarjen tragjike nga mediat të nesërmen, duke shtuar se nuk dinte se çfarë kishte ndodhur, pasi kur u ndanë me njeri – tjetrin 16-vjeçarja nuk tregoi shenja shqetësimi.

Sidoqoftë, prindërit e Marias 16 – vjeçare kërkojnë të hapen kamerat në zonë, me qëllim për të parë Marian tek Kisha dhe personin apo personat që mund të kenë qënë me të.

Sidoqoftë, autopsia e kryer dje nga ekipi mjeko-ligjor i Larissa konfirmoi rënien e viktimës dhe plagët që ajo kishte marrë.

Avokati i familjes së 16-vjeçares, Dimitris Samartzis duke folur për “Protothema.gr” theksoi: “Familja, duke respektuar të gjithë, nuk dëshiron të stigmatizojë asnjë person dhe vë në dispozicion të autoriteteve thjesht të dhënat dhe provat në posedim të tyre dhe nxit që ato të ekzaminohen plotësisht, pa vonesë dhe me hapat e duhur të siguruar nga teknologjia moderne, në mënyrë që të hetojnë çështjen në thellësi dhe për të zbuluar të vërtetën ” .

Rreth korcajone.al

Shiko gjithashtu

Kriza e bizneseve ul çmimet e qirave të dyqaneve

Çmimi i qirave të dyqaneve të biznesit të vogël në muajt qershor-korrik u ul me …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *